ა.ა. და სხვები შვედეთის წინააღმდეგ

ადამიანის უფლებათა ევროპული სასამართლო. გადაწყვეტილების თარიღი: 24/07/2014

ჯ.ქ. და სხვები შვედეთის სამეფოს წინააღმდეგ – 2016

ადამიანის უფლებათა ევროპული სასამართლო. გადაწყვეტილების თარიღი: 23/08/2016

ჯ.ქ. და სხვები შვედეთის წინააღმდეგ – 2015

ადამიანის უფლებათა ევროპული სასამართლო. გადაწყვეტილების თარიღი: 04/06/2015

მ.ა., ბ.ტ. და დ.ა. შინაგან საქმეთა სამინისტროს წინააღმდეგ

ევროკავშირი მართლმსაჯულების სასამართლო. გადაწყვეტილების თარიღი: 06/06/2013

ფ.გ. შვედეთის წინააღმდეგ

ადამიანის უფლებათა ევროპული სასამართლო. გადაწყვეტილების თარიღი: 23/03/2016

საადი გაერთიანებული სამეფოს წინააღმდეგ

ადამიანის უფლებათა ევროპული სასამართლო. გადაწყვეტილების თარიღი: 29/01/2008

ჰირსი ჯამაა და სხვები იტალიის წინააღმდეგ

ადამიანის უფლებათა ევროპული სასამართლო. გადაწყვეტილების თარიღი: 23/02/2012

ახალი ამბების დაიჯესტი – 1-7 აგვისტო, 2017

რუსეთის დაზვერვა ალ-ბაღდადის დაღუპვას არ ადასტურებს – საგარეო დაზვერვის სამსახურის ხელმძღვანელი სერგეი ნარიშკინი არ ადასტურებს ტერორისტული დაჯგუფება „ისლამური სახელწიფოს“ ლიდერის აბუ ბაქრ ალ-ბაღდადის დაღუპვას. „ამასთან დაკავშირებით, არ მაქვს ინფორმაცია, გარდა იმისა, რაც მასობრივი ინფორმაციის საშუალებებით გავრცელდა“, – განაცხადა ნარიშკინმა. 16 ივნისს რუსეთის სამხედრო უწყებაში განაცხადეს, რომ მაისში, სირიაში რუსეთის მხრიდან განხორციელებული საჰაერო იერიშის შედეგად, 300 ბოევიკთან ერთად, ასევე ლიკვიდირებული იყო ალ-ბაღდადი. მოგვიანებით რუსეთის ოფიციალური პირები აცხადებდნენ, რომ ალ-ბაღდადის დაღუპვის შესახებ ინფორმაცია არ დასტურდებოდა. 21 ივლისს პენტაგონის ხელმძღვანელმა ჯეიმ მეტისმა განაცხადა, რომ მოცემულ ეტაპზე შეერთებულ შტატებს არ ჰქონდა ალ-ბაღდადის დაღუპვის მტკიცებულება.[1]

ტერაქტი სომალიში – ორი ადამიანი ემსხვერპლა და 17 დაშავდა სომალიში ტერორისტული თავდასხმის შედეგად. გავრცელებული ინფორმაციით, ერთ-ერთ რესტორანში თვითმკვლელმა ტერორისტმა თავი აიფეთქა. დაშავებულთა შორის მშვიდობიანი მოქალაქეები არიან. თავდასხმაზე პასუხისმგებლობა არავის აუღია, თუმცა ხელისუფლება ეჭვობს, რომ ტერაქტი დაჯგუფება ალ-შაბააბის მიერ არის განხორციელებული.[2]

საუდის არაბეთში საკურორტო ზონა შეიქმნება, სადაც ქალებს ბიკინის ჩაცმის უფლება ექნებათ – გავრცელებული ინფორმაციით, ეს გადწყვეტილება პრინცმა, მუჰამედ იბნ სალმან ალ საუდმა ქვეყნის ეკონომიკის მოდერნიზების მიზნით მიიღო. პრინცი თვლის, რომ უცხოელი ტურისტებისთვის მიმზიდველი არ არის ისეთი საკურორტო ზონები, სადაც ადამიანებს თავიდან ბოლომდე უხდებათ შემოსვა, ამიტომ მან ბრძანება გასცა, რომ შეიქმნას საერთაშორისო სტანდარტების შესაბამისი სპეციალური სანაპირო ზოლი. ამ ინიციატივას ქვეყანაში მოწინააღმდეგეებიც ჰყავს. ოპონენტები თვლიან, რომ მსგავს ადგილები ტურისტებისთვის მაინც ვერ გახდება მიმზიდველი, რადგან იქ ალკოჰოლური სასმელები ვერ გაიყიდება. შეგახსნებეთ, საუდის არაბეთში ალკოჰოლური სასმელის გაყიდვა კანონით აკრძალულია.[3]

კონგოში, ეთნიკურ ჯგუფებს შორის შეტაკებისას, 50 ადამიანზე მეტი დაიღუპა – შეტაკება ტანგანიკას პროვინციაში მოხდა. ტვას ტომის პიგმეების წარმომადგენლები ლუბასა და ბანტუს ეთნიკურ ჯგუფებს დაესხნენ თავს. მსხვერპლთა უმრავლესობა ლუბას ეთნიკური ჯგუფის წარმომადგენელია. კონგოში ეთნიკურ ნიადაგზე კონფლიქტი მიმდინარე წლის დასაწყისში გამწვავდა, რისი მიზეზიც პრეზიდენტ ჯოზეფ კაბილას მხრიდან საპრეზიდენტო ვადის ამოწურვის შემდეგ გადადგომაზე უარის თქმა გახდა. გაეროს მონაცემებით, კონგოს დემოკრატიულ რესპუბლიკაში 2017 წლის 12 მარტიდან 19 ივნისამდე ეთნიკურ ნიადაგზე დაპირისპირებას 251 ადამიანი ემსხვერპლა, მათ შორის, რვა წლამდე ასაკის 30 ბავშვი. 2016 წლის აგვისტოს შემდეგ კი, კონგოში იძულებით გადაადგილებულ პირთა რაოდენობა გაორმაგდა და 3,7 მილიონი შეადგინა.[4]

ნიგერიაში ქრისტიანულ ტაძარზე განხორციელებულ შეიარაღებულ თავდასხმას 11 ადამიანი ემსხვერპლა – ნიგერიის სამხრეთ-აღმოსავლეთით, ერთ-ერთ ქრისტიანულ ტაძარში მომხდარ შეიარაღებულ თავდასხმას 11 ადამიანის სიცოცხლე შეეწირა, 18-მა კი სხვადასხვა სიმძიმის დაზიანება მიიღო. სამართალდამცველების განცხადებით, თავდასხმის მოტივი ადგილობრივ თემებს შორის არსებული დაპირისპირება გახდა, თუმცა პოლიცია ვარაუდობს, რომ თავდამსმხელების სამიზნეს კონკრეტული პიროვნება წარმოადგენდა, რომელიც ინციდენტის დროს ტაძარში არ აღმოჩნდა.[5]

[1] საქართველოს საზოგადოებრივი მაუწყებელი; რუსეთის დაზვერვა ალ-ბაღდადის დაღუპვას არ ადასტურებს; ქეთევან ბერაია; 01/08/2017; ხელმისაწვდომია: http://1tv.ge/ge/news/view/172384.html

[2] საქართველოს საზოგადოებრივი მაუწყებელი; ტერორისტული დავდასხმა სომალიში – დაიღუპა 2 და დაშავდა 17 ადამიანი; 02/08/2017; ხელმისაწვდომია: http://1tv.ge/ge/news/view/172536.html

[3] The Telegraph; Saudi Arabia to open luxury beach resort where women can wear bikinis; by Raf Sanchez; 2 August 2017; available at: http://www.telegraph.co.uk/news/2017/08/02/saudi-arabia-open-luxury-beach-resort-women-can-wear-bikinis/

[4] Reuters; Dozens killed in ethnic violence in eastern Congo; August 6, 2017; available at: https://www.reuters.com/article/us-congo-security-idUSKBN1AM0HM

[5] VOA News; 11 killed in attack at Nigerian church; August 6, 2017; available at: https://www.voanews.com/a/attack-at-nigeria-church/3974612.html

ახალი ამბების დაიჯესტი – 24-31 ივლისი, 2017

ტერაქტი ქაბულში – ქაბულში მომხდარი ტერაქტის შედეგად 30 ადამიანზე მეტი გარდაიცვალა. ავღანეთის ჯანდაცვის სამინისტროს მონაცემებით, დაშავდა 42 ადამიანი; აფეთქება იმდენად ძლიერი იყო, რომ სამი ავტომობილი და 15 შენობა დააზიანა. ტერაქტის მოტივი პოლიციისთვის ამ ეტაპზე უცნობია. ტერაქტზე პასუხიმგებლობა მოძრაობა თალიბანმა აიღო.[1]

თალიბანმა პაკისტანის საზღავრთან მდებარე რაიონზე კონტროლი დააწესა – ფაქთიის პროვინციაში მდებარე ჯანი კჰელის რაიონზე კონტროლის დამყარება თალიბანმა ავღანეთის უსაფრთხოების ძალებთან ხანგრძლივი შეტაკების შემდეგ მოახერხა. ადგილობრივ პოლიციაში აცხადებენ, რომ ჯერ კიდევ აკონტროლებენ რაიონის ცენტრს, თუმცა თალიბები მათ თავს ესხმიან. გავრცელებული ინფორმაციით, თალიბანის წევრებმა დაწვეს გუბერნატორის ოფისი, პოლიციის შენობა და პოლიკლინიკა. 23 ივლისს თალიბებმა, ასევე, დაამყარეს კონტროლი ავღანეთის ამ ნაწილში მდებარე ორ სხვა რაიონზე.[2]

რუსეთი თალიბანს იარაღით ამარაგებს – თალიბანმა ავღანეთში, გაუმჯობესებული ტიპის იარაღი, შესაძლოა, რუსეთის მთავრობისგან მიიიღო. ამის შესაძლო მტკიცებულება სააგენტომ CNN გაავრცელა. ვიდეო მასალაში ჩანს სნაიპერები, კალაშნიკოვის ტიპის იარაღები და ისეთი შეირაღება, რომელიც რუსული წარმოებისაა. ამერიკელმა გენერლებმა შეშფოთება იმ ფაქტით, რომ რუსეთი თალიბანს იარაღით ამარაგებდა ჯერ კიდევ აპრილში გამოთქვეს. რუსეთის საგარეო საქმეთა სამინისტრო ამ თემაზე კომენტარს არ აკეთებს. რამდენიმე თვის წინ უწყებაში თალიბანისთვის იარაღის მიყიდვის ფაქტი უარყვეს. თალიბანისა და რუსეთის შესაძლო ურთიერთობით შეშფოთებულია ავღანეთის მთავრობაც.[3]

სომალის დედაქალაქში მომხდარ ტერაქტს 6 ადამიანი ემსხვერპლა – აფეთქების შედეგად 13 ადამიანი დაშავდა. თავდასხმა მოგადიშუს ცენტრში მდებარე პოლიციის შენობის სიახლოვეს მოხდა. წინასწარი ცნობებით, სავარაუდოდ, აფეთქება თვითმკვლელმა თავდამსხმელმა მოაწყო. ტერაქტი მაშინ მოხდა, როდესაც გზატკეცილზე საცობი იყო შექმნილი.[4]

ქაბულში მომხდარ თავდასხმაზე პასუხისმგებლობა „ისლამურმა სახელმწიფომ“ აიღო – ქაბულში მდებარე ერაყის საელჩოსთან აფეთქების შედეგად ორი ადამიანი დაიღუპა, კიდევ სამი კი დაიჭრა. გარდაცვლილები ერაყის საელჩოს თანამშრომლები არიან. თავდასხმაზე პასუხისმგებლობა „ისლამურმა სახელმწიფომ“ აიღო. პოლიციის ცნობით, თავდასხმა სამმა შეიარღებულმა პირმა მოაწყო. ერთ-ერთმა მათგანმა საელჩოს შესასვლელთან აიფეთქა თავი, ამის შემდეგ ორი ბოროტმოქმედი დიპლომატიური მისიის შენობაში შეიჭრა და სამართალდამცავებს ცეცხლი გაუხსნა. ორმხრივი სროლის შედეგად ყველა ბოროტმოქმედის ლიკვიდაცია მოხდა.[5]

[1] CNN; 31 dead in Kabul car bomb attack claimed by Taliban; By Ehsan Popalzai, Euan McKirdy and Angela Dewan; July 25, 2017; available at: http://edition.cnn.com/2017/07/24/asia/afghanistan-kabul-car-bomb-attack/index.html

[2] საქართველოს საზოგადოებრივი მაუწყებელი; „თალიბანმა“ პაკისტანის საზღვარზე მდებარე რაიონი დაიკავა; ლევან ახალაია; 25/07/2017; ხელმისაწვდომია: http://1tv.ge/ge/news/view/171346.html

[3] CNN; Videos suggest Russian government may be arming Taliban; by Nick Paton Walsh and Masoud Popalzai; July 26, 2017; available at: http://edition.cnn.com/2017/07/25/asia/taliban-weapons-afghanistan/index.html

[4] საქარველოს საზოგადოებრივი მაუწყებელი; სომალის დედაქალაქში ტერაქტს სულ მცირე ექვსი ადამიანი ემსხვერპლა; ლევან ახალაია; 30/07/2017; ხელმისაწვდომია: http://1tv.ge/ge/news/view/172119.html

[5] The Telegraph; ISIL claim Iraqi embassy suicide attack in Kabul; by Raf Sanchez; 31 July 2017; available at: http://www.telegraph.co.uk/news/2017/07/31/isil-claim-iraqi-embassy-suicide-attack-kabul/

პალესტინა – ადამიანის უფლებები და უსაფრთხოების მხრივ არსებული ვითარება – აგვისტო, 2017

„Amnesty international“ 2016-2017 წლების ანგარიშში პალესტინის შესახებ წერს, რომ პალესტინის ხელისუფლება დასავლეთ სანაპიროზე და ჰამასის დე-ფაქტო ადმინისტრაცია ღაზას სექტორში, ორივე განაგრძობდნენ გამოხატვის თავისუფლების შეზღუდვას, მათ შორის პოლიტიკური ოპონენტების დაკავებისა და დაპატიმრების გზით. მათ ასევე შეზღუდეს შეკრების თავისუფლების უფლება და გამოიყენეს ძალა ზოგიერთი საპროტესტო აქციის დასაშლელად. წამებასა და სხვა არასათანადო მოპყრობას ადგილი ჰქონდა როგორც ღაზაში, ასევე დასავლეთ სანაპიროზე. არასამართლიანი სასამართლოები იმართებოდა მოქალაქეების მიმართ ღაზაში, ხოლო დასავლეთ სანაპიროზე დაკავებულები იყვნენ ბრალის წაყენებისა და სასამართლოს გარეშე. ქალები და გოგოები აწყდებიან დისკრიმინაციას და ძალადობას. სასამართლოები განაგრძობდნენ სიკვდილით დასჯის განაჩენის გამოტანას და ჰამასი აღასრულებდა მას; დასავლეთ სანაპიროზე სიკვდილით დასჯის აღსრულებას ადგილი არ ჰქონია.[1]

„Freedom House“ 2017 წლის ანგარიშში პალესტინის შესახებ წერს, რომ ღაზას სექტორის მაცხოვრებლების პოლიტიკური უფლებები და სამოქალაქო თავისუფლებები მკაცრად შეზღუდულია. ისრაელის დე-ფაქტო ბლოკადა, მისი თანმდევი პერიოდული სამხედრო ოპერაციებით და კანონის უზენაესობის პრინციპის დარღვევა, მძიმე ვითარებაში აგდებს ადგილობრივ მოსახლეობას. გარდა ამისა, ჰამასის სამხედრო დაჯგუფება ღაზას სექტორს დემოკრატიული ლეგიტიმაციის გარეშე მართავს და გადაუჭრელი განხეთქილება მათსა და დასავლეთ სანაპიროზე პალესტინის ხელისუფლებას შორის იწვევს არჩევნების ჩატარების განმეორებად გადადებებს. ღაზას სექტორი 2016 წლის შემდეგ არჩეული მთავრობის გარეშეა. პალესტინის საპრეზიდენტო და საკანონმდებლო ორგანოს არჩევნები, შესაბამისად, 2005 და 2006 წელს გაიმართა. 2017 წელს, ფათჰთან უთანხმოების გამო (ფათჰი აკონტროლებს პალესტინის მთავრობას დასავლეთ სანაპიროზე) ჰამასმა საკუთარ თავზე აიღო დე-ფაქტო მმართველობა ღაზაში.[2]

აშშ-ის სახელმწიფო დეპარტამენტი ოკუპირებული ტერიტორიების შესახებ 2017 წელს გამოქვეყნებულ ანგარიშში წერს, რომ როგორც პალესტინის, ასევე ისრაელის ხელისუფლება ახორციელებდა უსაფრთხოების ძალების ეფექტურ კონტროლს. დასავლეთ სანაპიროზე ფიქსირდებოდა შემდეგი ხასიათის ადამიანის უფლებების დარღვევები: პირად უფლებებში ჩარევა, დაკავებულების მიმართ არასათანადო მოპყრობა, დაკავების ვადების გაგრძელება, საპატიმრო დაწესებულებების გადატვირთულობა. გრძელდებოდა სიტყვის, პრესის და შეკრების თავისუფლების შეზღუდვა. ჰამასის კონტროლირებად ტერიტორიაზე ადამიანის უფლებების დარღვევა მოიცავდა უსაფრთხოების ძალების მიერ ჩადენილ მკვლელობებს, წამებას, თვითნებურ დაკავებებს და ოპონენტების შევიწროვებას, მათ შორის ფათჰის წევრებისა და სხვა პალესტინელების. ტერორისტული დაჯგუფებები და სამხედრო ჯგუფები ღაზაში აწყობდნენ სარაკეტო იერიშებს სამოქალაქო სამიზნეებზე ისრაელში და ისინი აკეთებდნენ იგივეს ღაზას სამოქალაქო ლოკაციებთან.[3]

[1] Amnesty International, Amnesty International Report 2016/17 – Palestine (State of), 22 February 2017, available at:

[accessed 25 July 2017]

[2] Freedom House, Freedom in the World 2017 – Gaza Strip, 2 June 2017, available at:

[accessed 25 July 2017]

[3] United States Department of State, 2016 Country Reports on Human Rights Practices – The Occupied Territories, 3 March 2017, available at:

[accessed 25 July 2017]